മാനന്തവാടി: മൃഗവേട്ടക്ക് പോകുകയായിരുന്നു സംഘം പൊലിസ് പിടിയില്‍. പയ്യമ്പള്ളി കുണ്ടറമൂല ബാലൃഷ്ണന്‍ (30), കാട്ടിക്കുളം കുറുക്കന്മൂല തനംകുഴി ജെയിംസ് (54), കാവേരിപൊയില്‍ ജയന്‍ (34), കാവേരിപൊയില്‍ ദാസന്‍ (35) എന്നവരാണ് പിടിയിലായത്. സംഘത്തില്‍ നിന്നും ഒറ്റക്കുഴല്‍ നാടന്‍ തോക്കും, തിരകളും പിടികൂടി. കഴിഞ്ഞ ദിവസം പുലര്‍ച്ചെ രണ്ട് മണിക്ക് കാട്ടിക്കുളം രണ്ടാം ഗേറ്റില്‍ നടത്തിയ വാഹന പരിശോധനക്കിടെയാണ് നായാട്ട് സംഘം പിടിയിലായത്. ഇവര്‍ സഞ്ചരിച്ച സ്‌കോര്‍പിയോ വാഹനവും പൊലിസ് കസ്റ്റഡിയിലെടുത്തിട്ടുണ്ട്. തിരുനെല്ലി എസ്.ഐ ദിനേശിന്റെ നേതൃത്വത്തിന്റെ സംഘമാണ് ഇവരെ പിടികൂടിയത്. മാനന്തവാടി ഫസ്റ്റ്ക്ലാസ്സ് കോടതി (രണ്ടില്‍) ഹാജരാക്കിയ ഇവരെ റിമാന്‍ഡ് ചെയ്തു.