ടെഹ്‌റാന്‍: ഇന്ത്യയുടെ ദ്രോണവല്ലി ഹരിക ലോക വനിതാ ചെസ്സ് ചാംപ്യന്‍ഷിപ്പിന്റെ സെമിയിലേക്ക് മുന്നേറി. ക്വാര്‍ട്ടറില്‍ ജോര്‍ജിയന്‍ താരം നന സാഗ്നിസെയെ പരാജയപ്പെടുത്തിയാണു ഹരികയുടെ മുന്നേറ്റം. തുടര്‍ച്ചയായി മൂന്നാം തവണയാണു ഹരിക ലോക വനിതാ പോരാട്ടത്തിന്റെ അവസാന നാലിലെത്തുന്നത്. ക്വാര്‍ട്ടറിലെ ആദ്യ രണ്ടു ഗെയിമുകളില്‍ ഇരു താരങ്ങളും ഓരോ വിജയം സ്വന്തമാക്കിയപ്പോള്‍ മത്സരം ടൈബ്രേക്കറിലേക്കു നീണ്ടു. ടൈബ്രേക്കറിലെ റാപിഡ് പോരാട്ടത്തിന്റെ ആദ്യ ഗെയിമില്‍ ഹരിക വിജയം സ്വന്തമാക്കി. നിര്‍ണായകമായ രണ്ടാം ഗെയിമില്‍ ജോര്‍ജിയന്‍ താരത്തെ സമനിലയില്‍ പിടിച്ചാണു ഹരിക സെമി ബര്‍ത്ത് ഉറപ്പിച്ചത്.