പനാജി: പോര്‍ച്ചുഗല്‍ അണ്ടര്‍ 21 ടീമിന്റെ മുന്‍ പരിശീലകന്‍ ലൂയിസ് നോര്‍ടന്‍ ഡി മാറ്റോസ് ഇന്ത്യയുടെ അണ്ടര്‍ 17 ലോകകപ്പ് ഫുട്‌ബോള്‍ ടീമിന്റെ പരിശീലകനായേക്കും. സ്ഥാനമൊഴിഞ്ഞ നിക്കോളായ് അദംസിനു പകരമാണു മുന്‍ ബെന്‍ഫിക്ക ബി ടീം കോച്ചായിരുന്ന ലൂയിസ് നോര്‍ടന്റെ വരവ്.
പരിശീലകനാകാനുള്ള താത്പര്യമറിയിച്ച് ലഭിച്ച 75 അപേക്ഷകളില്‍ നിന്നു ഇന്ത്യന്‍ ഫുട്‌ബോള്‍ ഫെഡറേഷന്‍ എട്ടു പേരുടെ അന്തിമ പട്ടിക തയ്യാറാക്കിയിരുന്നു. ഇതില്‍ നിന്നാണു 63കാരനായ ലൂയിസിനു നറുക്ക് വീണത്. അദ്ദേഹവുമായുള്ള കൂടിക്കാഴ്ച മാര്‍ച്ച് 27നു നടക്കുമെന്നു അധികൃതര്‍ വ്യക്തമാക്കി.