ലണ്ടന്‍: ആളുകളെ കൊന്നൊടുക്കാനുള്ള ലിസ്റ്റുമായി ഐ.എസ്. അമേരിക്ക, യൂറോപ്പ് ഉള്‍പ്പെടെയുള്ള രാജ്യങ്ങളില്‍ നിന്നുള്ളവരുടെ 8000ത്തില്‍ കൂടുതല്‍ പേരുടെ ലിസ്റ്റാണ് ഐ.എസ് പുറത്തുവിട്ടിരിക്കുന്നത്. കൊല്ലപ്പെടാനുള്ള പട്ടികയില്‍ ഭൂരിഭാഗവും അമേരിക്കക്കാരാണ്. കാനഡ, യൂറോപ്പ്, ആസ്‌ത്രേലിയ, ഫ്രാന്‍സ്, ഗ്രീസ് വിവിധ രാജ്യങ്ങളില്‍ നിന്നാണ് ലിസ്റ്റില്‍ ഉള്‍പ്പെട്ടിരിക്കുന്നത്.
ആകെ 8,318 പേരുടെ ലിസ്റ്റാണ് പുറത്തുവിട്ടത്. ഇംഗ്ലീഷ്, അറബി ഭാഷകളില്‍ പുറത്തുവന്ന ലിസ്റ്റ് സോഷ്യല്‍മീഡിയ വഴിയാണ് പുറത്തുവന്നത്. വിവിധ രാജ്യങ്ങളിലെ സര്‍ക്കാര്‍ ജീവനക്കാര്‍, സെലിബ്രിറ്റികള്‍, മറ്റുപ്രധാന പ്രവര്‍ത്തകര്‍ എന്നിങ്ങനെയാണ് ലിസ്റ്റ്. പ്രത്യേക ആപ്പ് വഴി ടെലഗ്രാമായാണ് വിവരം പുറത്തുവന്നത്.