തിരുവനന്തപുരം: ഐ.എല്‍ ആന്റ് എഫ്.എസിന്റെ നേതൃത്വത്തില്‍ കേരള സര്‍ക്കാരുമായി സഹകരിച്ച് പൊതു-സ്വകാര്യ പങ്കാളിത്തത്തോടെ നിര്‍മിച്ച തിരുവനന്തപുരത്തെ സ്‌പോര്‍ട്‌സ് ഹബിന് മികച്ച വേദിക്കുള്ള ഡേവിഡ് വിക്കേഴ്‌സ് അവാര്‍ഡ്. സ്‌പെയിനിലെ മാഡ്രിഡില്‍ നടന്ന സ്റ്റേഡിയം ബിസിനസ് അവാര്‍ഡ്‌സ് 2016-ല്‍ ന്യൂ വെന്യൂ ഓഫ് ദി ഇയര്‍ അവാര്‍ഡാണ് സ്‌പോര്‍ട്‌സ് ഹബ് നേടിയത്. 

ഫ്രാന്‍സ്, മെക്‌സിക്കോ, അമേരിക്ക, ജപ്പാന്‍, തുര്‍ക്കി രാജ്യങ്ങളിലെ ആറു പ്രമുഖ സ്‌പോര്‍ട്‌സ് കോംപ്ലക്‌സുകളെ മറികടന്നാണ് സ്‌പോര്‍ട്‌സ് ഹബ് ഒന്നാമതെത്തിയത്. ലോകോത്തര നിലവാരമുള്ളതും വികസനത്തിന് മാതൃകയുമാണ് ഇന്ത്യയിലെ ആദ്യത്തെ സ്വകാര്യ ഫണ്ടണ്ടിങ്ങോടെ പൂര്‍ത്തിയാക്കിയ സ്‌പോര്‍ട്‌സ് ഹബ് എന്ന് ജഡ്ജിങ് പാനല്‍ വിലയിരുത്തി.