തിരുവനന്തപുരം: മുഖ്യമന്ത്രി പിണറായി വിജയന്‍, മന്ത്രി കടകംപള്ളി സുരേന്ദ്രന്‍ എന്നിവര്‍ക്കെതിരേയും, വനിതാ മതിലില്‍ പങ്കെടുത്ത സ്ത്രീകളെയും അപമാനിച്ച് ഫെയ്‌സ്ബുക്കില്‍ പോസ്റ്റ് ഇട്ടയാള്‍ അറസ്റ്റില്‍.
മടവൂര്‍, അയണിക്കാട്ടുകോണം, വാറുവിള പുത്തന്‍ വീട്ടില്‍ ഉണ്ണികൃഷ്ണനാണ് (48) അറസ്റ്റിലായത്. മതസ്പര്‍ധ വളര്‍ത്തുന്ന രീതിയിലുള്ള ഇത്തരം സന്ദേശങ്ങളും പ്രസംഗങ്ങളും വീഡിയോകളും പ്രചരിപ്പിക്കുന്നത് പൊലിസിന്റെ ശ്രദ്ധയില്‍പെട്ടിട്ടുണ്ട്.
പ്രവാസികള്‍ അടക്കമുള്ള ഇത്തരക്കാരുടെ അക്കൗണ്ടുകള്‍ സൈബര്‍ സെല്ലിന്റെ സഹായത്തോടെ പൊലിസിന്റെ നിരീക്ഷണത്തിലാണ്. വരും ദിവസങ്ങളിലും ഇത്തരക്കാര്‍ക്കെതിരേ കര്‍ശന നടപടികള്‍ ഉണ്ടാകുമെന്നും പൊലിസ് അറിയിച്ചു.
തിരുവനന്തപുരം റൂറല്‍ ജില്ലാ പൊലിസ് മേധാവി പി. അശോക് കുമാറിന്റെ നിര്‍ദേശപ്രകാരം പള്ളിക്കല്‍ എസ്.എച്ച്.ഒ വി.ഗംഗാപ്രസാദിന്റെ നേതൃത്വത്തിലുള്ള സംഘമാണ് ഇയാളെ അറസ്റ്റ് ചെയ്തത്.