ജലം= ജീവന്‍: എസ്.കെ.എസ്.എസ്.എഫ് പ്രചാരണത്തിന് ഇന്ന് തുടക്കം

backup

February 24 2017 | 19:02 PM

%e0%b4%9c%e0%b4%b2%e0%b4%82-%e0%b4%9c%e0%b5%80%e0%b4%b5%e0%b4%a8%e0%b5%8d%e2%80%8d-%e0%b4%8e%e0%b4%b8%e0%b5%8d-%e0%b4%95%e0%b5%86-%e0%b4%8e%e0%b4%b8%e0%b5%8d-%e0%b4%8e%e0%b4%b8%e0%b5%8d-%e0%b4%8e

പാലക്കാട്: സംസ്ഥാനം ചരിത്രത്തിലെ ഏറ്റവും വലിയ വരള്‍ച്ചയിലേക്കും കുടി വെള്ള ക്ഷാമത്തിലേക്കും നീങ്ങുന്ന ഘട്ടത്തില്‍ ജല സംരക്ഷണ സന്ദേശവുമായി എസ്.കെ.എസ്.എസ്.എഫ് നടത്തുന്ന പ്രചാരണത്തിന് ഇന്ന് തുടക്കമാവും.
പാലക്കാട് കോട്ടായി ഗവ. ഹയര്‍ സെക്കന്‍ഡറി സ്‌കൂളില്‍ നടക്കുന്ന സംസ്ഥാനതല ഉദ്ഘാടനം മുന്‍ മഹാരാഷ്ട്ര ഗവര്‍ണര്‍ കെ. ശങ്കരനാരായണന്‍ നിര്‍വഹിക്കും. സംസ്ഥാന പ്രസിഡന്റ് പാണക്കാട് സയ്യിദ് ഹമീദലി ശിഹാബ് തങ്ങള്‍ അധ്യക്ഷനാകും. പ്രമുഖ പണ്ഡിതന്‍ റഹ്മതുല്ല ഖാസിമി മൂത്തേടം പ്രമേയ പ്രഭാഷണം നടത്തും.
സി.കെ.എം സ്വാദിഖ് മുസ്‌ലിയാര്‍, ശുചിത്വമിഷന്‍ കോ ഓഡിനേറ്റര്‍ ബി.എല്‍ ബിജിത്ത്, പി.കെ ഇമ്പിച്ചി കോയ തങ്ങള്‍, എ.വി ഗോപിനാഥ്, സി.കെ രവീന്ദ്രന്‍, അനീസ് മാസ്റ്റര്‍, കല്ലൂര്‍ ബാലന്‍, കെ.പി.എസ് പയ്യനെടം, താജുദ്ദീന്‍ മാസ്റ്റര്‍, സി. മുഹമ്മദ് അലി ഫൈസി, ടി.കെ മുഹമ്മദ് അലി ഫൈസി, വി.എ.സി കുട്ടി ഹാജി എന്നിവര്‍ പ്രസംഗിക്കും.
ജലം=ജീവന്‍ എന്ന പ്രമേയവുമായി ജല ദുര്‍വിനിയോഗത്തിനും മലിനീകരണത്തിനുമെതിരേ ബോധവല്‍ക്കരണം, ജല സ്രോതസ്സുകളുടെ സംരക്ഷണം, ശുദ്ധജലക്ഷാമം അനുഭവിക്കുന്ന പ്രദേശങ്ങളില്‍ ജലവിതരണം തുടങ്ങിയവയാണ് കാംപയിന്‍ കാലയളവില്‍ നടപ്പിലാക്കുന്ന പദ്ധതികള്‍.
ബോധവല്‍ക്കരണ ക്ലാസുകള്‍, പൊതുജനങ്ങള്‍ക്കായി ഗ്രൂപ്പ് ക്വിസ് മത്സരങ്ങള്‍, ലോക ജലദിനമായ മാര്‍ച്ച് 22 ന് ശാഖാ തല ബോധവല്‍ക്കരണ പരിപാടികള്‍ എന്നിവയും കാംപയിന്‍ കാലയളവില്‍ നടക്കും.

Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."