കൊടുവള്ളി: അല്‍ബിര്‍റ് പ്രീ സ്‌കൂള്‍ ജില്ലാ ഇ സോണ്‍ കിഡ്‌സ് ഫെസ്റ്റ് 12ന് കൊടുവള്ളി ദാറുല്‍ അസ്ഹര്‍ ക്യാംപസില്‍ നടക്കുമെന്ന് സ്വാഗതസംഘം ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു. ജില്ലയിലെ 21 അല്‍ ബിര്‍റ് പ്രീസ്‌കൂളുകളില്‍ നിന്നായി അഞ്ഞൂറോളം പ്രതിഭകള്‍ 40 ഇനങ്ങളില്‍ മാറ്റുരക്കും.
രാവിലെ എട്ടിന് പാലക്കുറ്റി മഹല്ല് ജനറല്‍ സെക്രട്ടറി സി.പി. അബ്ദുല്ലക്കോയ തങ്ങള്‍ പതാക ഉയര്‍ത്തുന്നതോടെ മത്സരങ്ങള്‍ക്ക് തുടക്കമാവും.
അല്‍ബിര്‍റ് സംസ്ഥാന ചെയര്‍മാന്‍ കോഴിക്കോട് ഖാസി സയ്യിദ് മുഹമ്മദ് കോയ തങ്ങള്‍ ജമലുല്ലൈലി ഉദ്ഘാടനം ചെയ്യും.
വാവാട് പി.കെ കുഞ്ഞിക്കോയ മുസ്‌ലിയാര്‍ പ്രാര്‍ഥന നിര്‍വ്വഹിക്കും. ടി.കെ മുഹമ്മദ് അധ്യക്ഷനാകും. കെ. ഉമര്‍ ഫൈസി മുക്കം, എം.കെ രാഘവന്‍ എം.പി, പി.ടി.എ റഹീം എം.എല്‍.എ, കാരാട്ട് റസാഖ് എം.എല്‍.എ, സി. മോയിന്‍ കുട്ടി, വി. എം. ഉമ്മര്‍ മാസ്റ്റര്‍, എം.എ റസാഖ് മാസ്റ്റര്‍, മുസ്തഫ മുണ്ടുപാറ, എ.പി മജീദ്, കെ. അബ്ദുല്‍ ബാരി ബാഖവി, , നാസര്‍ ഫൈസി കൂടത്തായി, കൊടുവള്ളി എസ്.ഐ കെ. പ്രജീഷ് തുടങ്ങിയവര്‍ പങ്കെടുക്കും. മികച്ച അധ്യാപികക്കുള്ള സംസ്ഥാന അവാര്‍ഡ് നേടിയ ദാറുല്‍ അസ്ഹര്‍ അല്‍ബിര്‍റ് പ്രിന്‍സിപ്പല്‍ കെ. ഹഫ്‌സയെ ചടങ്ങില്‍ ആദരിക്കും. വൈകിട്ട് അഞ്ചിന് നടക്കുന്ന സമാപന സമ്മേളനം സി.എം.കെ തങ്ങള്‍ ഉദ്ഘാടനം ചെയ്യും. എ.കെ ഇബ്രാഹിം അധ്യക്ഷനാകും. എസ്.കെ.ജെ.എം ജില്ലാ പ്രസിഡന്റ് കെ.കെ ഇബ്രാഹിം മുസ്‌ലിയാര്‍ സമ്മാന ദാനം നിര്‍വ്വഹിക്കും.
വാര്‍ത്താ സമ്മേളനത്തില്‍ ടി.കെ മുഹമ്മദ്, എ.കെ ഇബ്രാഹിം, അയമ്മദ് കുട്ടി, പി.സി മുഹമ്മദ് ഇബ്രാഹിം, എ.ടി മുഹമ്മദ്, ടി. അബൂബക്കര്‍, കെ. ഉസ്മാന്‍, മുസ്തഫ ഹുദവി, ടി. അഷ്‌റഫ് പങ്കെടുത്തു.