ക്വറ്റ: തെക്കുപടിഞ്ഞാറന്‍ പാകിസ്താനിലെ ബലൂചിസ്ഥാനില്‍ കല്‍ക്കരി ഖനിയില്‍ വെടിവെപ്പ്. വെടിവെപ്പില്‍ 20 തൊഴിലാളികള്‍ കൊല്ലപ്പെട്ടു. ഏഴുപേര്‍ക്ക് പരിക്കേറ്റു. ദുകി ജില്ലയിലെ ഖനിയിലാണ് വെടിവെപ്പ്. ഇന്ന് പുലര്‍ച്ചെ ആയുധങ്ങളുമായി എത്തിയ അക്രമസംഘം തൊഴിലാളികള്‍ക്ക് നേരെ വെടിയുതിര്‍ക്കുകയായിരുന്നു.

ഇതുവരെ 20 മൃതദേഹങ്ങളാണ് ജില്ലാ ആശുപത്രിയില്‍ കൊണ്ടുവന്നതെന്ന് ഡോക്ടര്‍ പറഞ്ഞു. പരിക്കേറ്റ ആറുപേര്‍ ചികിത്സയില്‍ കഴിയുന്നുണ്ടെന്നും അദ്ദേഹം വ്യക്തമാക്കി. മരിച്ചവരില്‍ മൂന്ന് പേരും പരിക്കേറ്റവരില്‍ നാല് പേരും അഫ്ഗാന്‍ സ്വദേശികളാണ്. ആക്രമണത്തിന്റെ ഉത്തരവാദിത്വം ആരും ഏറ്റെടുത്തിട്ടില്ല.