കാഞ്ഞങ്ങാട്: കേരള വ്യാപാരി വ്യവസായി ഏകോപന സമിതി മര്‍ച്ചന്റ് വനിതാ വിങ് നേതൃത്വത്തില്‍ മാര്‍ച്ച് ഒന്നിനു കാഞ്ഞങ്ങാട്ട് വനിതാ സംഗമം നടക്കും. രാവിലെ 11 നു കാഞ്ഞങ്ങാട് വ്യാപാര ഭവനില്‍ നടക്കുന്ന സംഗമത്തിന്റെ ഭാഗമായി വനിതാ റാലിയും നടക്കുമെന്നു ഭാരവാഹികള്‍ വാര്‍ത്താസമ്മേളനത്തില്‍ പറഞ്ഞു.
സംഗമം മഹാത്മാ ഗാന്ധി യൂനിവേഴ്‌സിറ്റി പ്രൊ. വൈസ് ചാന്‍സലര്‍ ഡോ.ഷീനാ ഷുക്കൂര്‍ ഉദ്ഘാടനം ചെയ്യും.
സംസ്ഥാന വൈസ് പ്രസിഡന്റ് കെ.അഹമ്മദ് ശരീഫ് അവാര്‍ഡ് ദാനം നിര്‍വഹിക്കും. വാര്‍ത്താസമ്മേളനത്തില്‍ ഗിരീഷ് ചീമേനി, ഷേര്‍ളി സെബാസ്റ്റ്യന്‍, ഷിനജാ പ്രദീപ്, ജെസ്സി ബേബി,പ്രസന്നാ പ്രസന്‍, പ്രസീത, ജയലക്ഷ്മി തുടങ്ങിയവര്‍ സംബന്ധിച്ചു