തിരുവനന്തപുരം: പദ്മനാഭസ്വാമി ക്ഷേത്രത്തിനു സമീപത്തു തീപിടിത്തം. വടക്കേ നടയ്ക്ക് സമീപമാണ് തീപിടിത്തമുണ്ടായത്. ഫയര്‍ഫോഴ്‌സിന്റെ ആറു യൂണിറ്റ് സ്ഥലത്തെത്തി തീ അണച്ചു.

പുരാവസ്തു വകുപ്പിന്റെ മൂന്ന് ഓഫിസുകളും പോസ്റ്റ് ഓഫിസും കത്തി നശിച്ചു.

പുലര്‍ച്ചെ 3.30 നാണ് തീപിടിച്ചത്. വടക്കേ നടയിലുള്ള പോസ്റ്റ് ഓഫിസിന്റെ ഗോഡൗണിനാണ് തീപിടിച്ചത്. ചവര്‍ കത്തിച്ചതില്‍നിന്നാണ് തീ പടര്‍ന്നതെന്നാണ് പ്രാഥമിക നിഗമനം.

തീ അണയ്ക്കുന്നതിനിടെ ഒരു കമാന്റോയ്ക്ക് പരുക്കേറ്റു. പരുക്ക് നിസ്സാരമാണ്.