കല്‍പ്പറ്റ: കേരള വ്യവസായിക പരിശീലന വകുപ്പിന്റെ ആഭിമുഖ്യത്തിലുള്ള തൊഴില്‍ മേള 'സ്‌പെക്ട്രം ജോബ് ഫെയര്‍ 2019' ഈമാസം 14ന് കല്‍പ്പറ്റ ഗവ.ഐ.ടി.ഐയില്‍ നടക്കുമെന്ന് അധികൃതര്‍ വാര്‍ത്താസമ്മേളനത്തില്‍ അറിയിച്ചു.
സംസ്ഥാനത്തെ മുഴുവന്‍ ജില്ലകളിലേയും എന്‍.സി.വി.ടി അംഗീകാരമുള്ള ഐ.ടി.ഐകളില്‍ നിന്നും പരിശീലനം പൂര്‍ത്തിയാക്കിയവര്‍ക്കായി സംഘടിപ്പിക്കുന്ന തൊഴില്‍മേളയുടെ ഭാഗമായാണ് 14ന് ജില്ലയില്‍ ജോബ് ഫെയര്‍ നടത്തുന്നത്. മേളയില്‍ ജില്ലക്ക് അകത്തും പുറത്തുമുള്ള 50ഓളം സ്ഥാപനങ്ങള്‍ പങ്കെടുക്കും. ഐ.ടി.ഐകളിലെ മുഴുവന്‍ ട്രേഡുകളിലും പരിശീലനം പൂര്‍ത്തിയാക്കിയവര്‍ക്ക് പങ്കെടുക്കാം. ഉദ്യോഗാര്‍ഥികള്‍ക്ക് ഓണ്‍ലൈന്‍ പോര്‍ട്ടലായ ംംം.ുെലരൃtuാഷീയ.െീൃഴ എന്ന വെബ് പോര്‍ട്ടലിലൂടെയും 14ന് രാവിലെ കല്‍പ്പറ്റ ഐ.ടി.ഐ ജോബ് ഫെയറില്‍ എത്തിയും രജിസ്റ്റര്‍ ചെയ്യാം. ജില്ലയിലെ വിവിധ സ്ഥാപനങ്ങളില്‍ നിന്ന് പരിശീലനം പൂര്‍ത്തിയാക്കിയ അഞ്ഞൂറിലധികം ഉദ്യോഗാര്‍ഥികള്‍ പങ്കെടുമെന്നും ബന്ധപ്പെട്ടവര്‍ അറിയിച്ചു.
ജോബ് ഫെയര്‍ രാവിലെ 10ന് സി.കെ ശശീന്ദ്രന്‍ എം.എല്‍.എ ഉദ്ഘാടനം ചെയ്യും. കല്‍പ്പറ്റ നഗരസഭാ ചെയര്‍പേഴ്‌സണ്‍ സനിതാ ജഗദീഷ് അധ്യക്ഷയാകും. വ്യാവസായിക പരിശീലന വകുപ്പ് ജോയിന്റ് ഡയരക്ടര്‍ സുനില്‍ ജേക്കബ്, ജില്ലാ വ്യവസായ കേന്ദ്രം മാനേജര്‍ സുരേഷ് കുമാര്‍, ജില്ലാ എംപ്ലോയ്‌മെന്റ് ഓഫിസര്‍ രവികുമാര്‍, മുന്‍സിപ്പല്‍ കൗണ്‍സിലര്‍ ടി. മണി സംബന്ധിക്കും. വാര്‍ത്താസമ്മേളനത്തില്‍ പി.എ സെബാസ്റ്റ്യന്‍, ജീവന്‍ ജോണ്‍സ്, എം.ബി മുസ്തഫ, പി.ബി നിധിന്‍, ബിജു ആന്റണി, പി. ദിനേഷ് പങ്കെടുത്തു.