കരുനാഗപ്പള്ളി: പാചക സിലിണ്ടര്‍ കയറ്റിവന്ന ലോറി അടിച്ചു തകര്‍ക്കുകയും ഡ്രൈവറെ മര്‍ദിക്കുകയും ചെയ്തതായി പരാതി. മര്‍ദനത്തില്‍ പരുക്കേറ്റ ലോറി ഡ്രൈവര്‍ വര്‍ക്കല ഇടവ സ്വദേശി കൊച്ചുബാബു (45)വിനെ കരുനാഗപ്പള്ളി താലൂക്കാശുപത്രിയില്‍ പ്രവേശിപ്പിച്ചു.കഴിഞ്ഞ ദിവസം ഉച്ചയ്ക്ക് 1.30ന് ആയിരുന്നു സംഭവം. പാരപ്പള്ളിയില്‍നിന്നു ഓച്ചിറ ഓംകാര ഗ്യാസ് ഏജന്‍സിലേക്ക് വരികയായിരുന്ന ലോറിയില്‍നിന്നു സി.ഐ.ടി.യുക്കാര്‍ ലോഡ് ഇറക്കാന്‍ അനുവദിച്ചില്ല.
ഇതിനെത്തുടര്‍ന്ന് സിലിണ്ടറുമായ് ലോറി പാരപ്പള്ളിയിലേക്ക് തിരികെ പോകുന്ന വഴിക്ക് ഓച്ചിറ പള്ളിമുക്കില്‍ കാറില്‍ വന്ന അഞ്ച് അംഗസംഘം ലോറി തടഞ്ഞ് നിര്‍ത്തി ഗ്ലാസ്സ് അടിച്ച് തകര്‍ക്കുകയും ഡ്രൈവറെ മര്‍ദിക്കുകയുമായിരുന്നു. ഗ്യാസ് ഏജന്‍സിയില്‍നിന്നു ക്രമക്കേട് കാരണം പുറത്താക്കപ്പെട്ട സി.ഐ.ടി.യുക്കാര്‍ ഒരു മാസക്കാലമായി സമരം ചെയ്ത് വരികയാണ്. ഇത് ഒത്ത് തീര്‍പ്പാക്കാത്തതില്‍ പ്രതിഷേധിച്ച് ലോറി ആക്രമിക്കുകയായിരുന്നുവെന്ന് പറയപ്പെടുന്നു.