മാന്നാര്‍: കൂറ്റന്‍ ഫ്‌ളക്‌സ് ബോര്‍ഡുകള്‍ ജനങ്ങള്‍ക്ക് ഭീഷണിയാവുന്നു.
ജനത്തിരക്കേറിയ മാന്നാര്‍ പരുമല കടവിലാണു വര്‍ഷങ്ങള്‍ പഴക്കമുള്ള രണ്ടു നില കെട്ടിടത്തിനു മുകളില്‍ ഏകദേശം മുപ്പതടിയോളം ഉയരത്തിലും നാല്‍പ്പതടി വീതിയിലുമുള്ള ഫ്‌ളക്‌സ് ബോര്‍ഡുകള്‍ സ്ഥാപിച്ചിരിക്കുന്നത്.
ഇത്തരത്തില്‍ നാല് ബോര്‍ഡുകളാണു ജങ്ഷന് പരിസരത്തായി സ്ഥാപിച്ചിട്ടുള്ളത്. കാലവര്‍ഷം ആരംഭിച്ചതോടെ ശക്തമായ കാറ്റില്‍ നാശനഷ്ടങ്ങള്‍ ഉണ്ടായിക്കൊണ്ടിരക്കുന്ന സമയത്താണ് എപ്പോള്‍ വേണമെങ്കിലും നിലംപൊത്താവുന്ന തരത്തിലുള്ള കൂറ്റന്‍ ബോര്‍ഡുകള്‍ സ്ഥാപിച്ചിരിക്കുന്നത്.
ഇലക്ട്രിക് ലൈനുകളും മറ്റും ബോര്‍ഡിന് പരിസരത്തുകൂടിയാണ് കടന്നുപോകുന്നത്. ഇത് കൂടുതല്‍ അപകടഭീഷണിയാണുയര്‍ത്തുന്നത്.