മൂവാറ്റുപുഴ: മുളവൂര്‍ ഗവ.യുപി സ്‌കൂളിന്റെ 61-ാമത് വാര്‍ഷികാഘോഷവും രക്ഷാകര്‍തൃദിനവും യാത്രയയപ്പ് സമ്മേളനവും പായിപ്ര പഞ്ചായത്ത് വിദ്യാഭ്യാസ സ്റ്റാന്റിങ് കമ്മിറ്റി ചെയര്‍പേഴ്‌സണ്‍ സുറുമി ഉമ്മര്‍ ഉദ്ഘാടനം ചെയ്തു. പി.ടി.എ പ്രസിഡന്റ് വി.എ ഷാജഹാന്‍ അധ്യക്ഷത വഹിച്ചു. വാര്‍ഡ് മെമ്പര്‍ എ.ജി മനോജ് സമ്മാനദാനം നിര്‍വഹിച്ചു. മുന്‍പഞ്ചായത്ത് വൈസ് പ്രസിഡന്റ് സുലൈഖ മക്കാര്‍, ഹെഡ്മിസ്ട്രസ് എം.പി റംലത്ത്, സീനിയര്‍ ടീച്ചര്‍ ജെസ്സി ജോസഫ്, കെ.എം അലിയാര്‍, പി.പി അഷറഫ്, അബ്ദുല്‍ സലാം, ഷാജി പനയ്ക്കല്‍ കെ.കെ ബിജോ ജലാല്‍ എന്നിവര്‍ പ്രസംഗിച്ചു. സ്‌കൂളില്‍ നിന്നും വിരമിക്കുന്ന അധ്യാപകനായ പി.സൈതുമുഹമ്മദിന് ഉപഹാരം നല്‍കി ആദരിച്ചു.