പൂച്ചാക്കല്‍:വിദ്യാഭ്യാസ രംഗത്ത് കാലഘട്ടത്തിനുസരിച്ച് സമൂലമായ മാറ്റം അനിവാര്യമെന്ന് കെ.സി.വേണുഗോപാല്‍ എം.പി പറഞ്ഞു.മണപ്പുറം സെന്റ് തെരേസാസ് ഹൈസ്‌കൂളിലെ നവീകരിച്ച ഗ്രൗണ്ടിന്റെ സമര്‍പ്പണം ഉദ്ഘാടനം നിര്‍വഹിക്കുകയായിരുന്നു അദ്ദേഹം.
വിദ്യാര്‍ഥികളെ പഠനത്തോടൊപ്പം കലാകായിക മത്സരങ്ങളില്‍ പങ്കെടുപ്പിക്കണം. എങ്കില്‍ മാത്രമേ വിദ്യാര്‍ഥികള്‍ക്ക് ശാരീരിക ക്ഷമത കൈവരിക്കാന്‍ കഴിയുകയുള്ളൂ വെന്ന് അദ്ദേഹം പറഞ്ഞു.മാനേജര്‍ റവ.ഫാ.ജോഷി മുരിക്കേലില്‍ അദ്ധ്യക്ഷത വഹിച്ചു.
ചടങ്ങില്‍ വിരമിക്കുന്ന പ്രധാന അധ്യാപിക വിമല ഐസകിനെ  അനുമോദിച്ചു  റവ. ഫാ വിപിന്‍ കുരിശുതറ, സി.പി വിനോദ് കുമാര്‍, എം.കെ ഉത്തമന്‍, എം.പി സജീവ്, എന്‍.പി പ്രമോദ്, മരിയ ജോണ്‍, സില്‍വി ജേക്കബ് തുടങ്ങിയവര്‍ സംസാരിച്ചു.