കോഴിക്കോട്: എം.ഇ.എസ് 'പ്രചോദനം 2016'ന്റെ ഭാഗമായി കളന്‍തോട് എം.ഇ.എസ് രാജാ റസിഡന്‍ഷ്യല്‍ സ്‌കൂള്‍ ചാത്തമംഗലത്ത് പഠനോപകരണ വിതരണവും ഉന്നത വിജയം നേടിയ വിദ്യാര്‍ഥികളെ അനുമോദിക്കലും നടന്നു.
ചാത്തമംഗലം പഞ്ചായത്ത് പ്രസിഡന്റ് ബീന പഠനോപകരണങ്ങളുടെ വിതരണോദ്ഘാടനം നിര്‍വഹിച്ചു. ആര്‍.ഇ.സി ഗവ. ഹയര്‍ സെക്കന്‍ഡറി സ്‌കൂളില്‍ നിന്ന് പ്ലസ്ടു പരീക്ഷയില്‍ ഉന്നത വിജയം നേടിയ വിദ്യാര്‍ഥികളെ പഞ്ചായത്ത് അംഗം നുസ്‌റത്ത്, പി.കെ അബ്ദുല്ലത്തീഫ്, എം.പി.പി സലാം തുടങ്ങിയവര്‍ കാഷ് അവാര്‍ഡും മെഡലുകളും നല്‍കി അനുമോദിച്ചു.
വൈസ് ചെയര്‍മാന്‍ കെ.വി സുബൈര്‍ അധ്യക്ഷനായി. സി.ടി സക്കീര്‍ ഹുസൈന്‍ മുഖ്യപ്രഭാഷണം നടത്തി. പ്രൊഫ. എ.എം.പി ഹംസ, കെ.എം.ജി മുഹമ്മദ്, പി.ടി അസൈന്‍കുട്ടി, ടി.കെ.സി മുഹമ്മദ്, തട്ടാഞ്ചേരി അബ്ദുറഹ്മാന്‍, എന്‍.കെ അബൂബക്കര്‍ മാസ്റ്റര്‍, പി. മുഹമ്മദ് ബഷീര്‍ മാസ്റ്റര്‍, പി.എസ് രമേശ് കുമാര്‍, എം.സി.പി സലാം സംസാരിച്ചു.