കൂട്ടിലങ്ങാടി: എസ്.വൈ.എസ് കൂട്ടിലങ്ങാടി പഞ്ചായത്ത് കമ്മിറ്റി റമദാന്‍ റിലീഫ് വിതരണവും പൊതുയോഗവും സംഘടിപ്പിച്ചു. കാളാവ് സൈദലവി മുസ്‌ലിയാര്‍ ഉദ്ഘാടനം ചെയ്തു. റിലീഫ് കിറ്റ് വിതരണോദ്ഘാടനം സമസ്ത കേന്ദ്ര മുശാവറ അംഗം ടി.പി ഇപ്പ മുസ്‌ലിയാര്‍ നിര്‍വഹിച്ചു. സി.എച്ച് അബ്ദുലത്തീഫ് ഫൈസി അധ്യക്ഷനായി. സഅദുദ്ദീന്‍ അന്‍വരി, മങ്കട ബ്ലോക്ക് പഞ്ചായത്ത് വൈസ് പ്രസിഡന്റ് എന്‍.കെ അസ്‌കര്‍, തോരപ്പ മുഹമ്മദ് ഹാജി, എം.കെ അബു, പി.കെ ഉമ്മര്‍, പി അബൂബക്കര്‍ മുസ്‌ലിയാര്‍ സംസാരിച്ചു.