ഇരിട്ടി: ഇരിട്ടി ടൗണിലെ മുസ്‌ലിം പള്ളിക്ക് എതിര്‍വശമുള്ള ട്രാന്‍സ്‌ഫോമറിന്റെ കേബിളില്‍ തീപിടിച്ചത് ജനങ്ങളില്‍ പരിഭ്രാന്തി പരത്തി. ഇന്നലെ ഉച്ചയോടെയാണ് ട്രാന്‍സ്‌ഫോമറിന്റെ ഡി.ഒ.സി ഫ്യൂസ് ഘടിപ്പിച്ച കേബിളില്‍ തീ പടര്‍ന്നത്. സമീപത്തുള്ള കച്ചവടക്കാര്‍ ഇരിട്ടിയിലെ കെ.എസ്.ഇ.ബി അധികൃതരെ അറിയിച്ചെങ്കിലും അധികൃതര്‍ അവഗണിച്ചതായി വ്യാപാരികളും നാട്ടുകാരും പറയുന്നു. ഉച്ചയോടെ തീ ആളിപ്പടര്‍ന്നപ്പോള്‍ നാട്ടുകാര്‍ വിവരമറിയിച്ചതിനെ തുടര്‍ന്ന് ഇരിട്ടിയില്‍ നിന്നെത്തിയ ഫയര്‍ഫോഴ്‌സ് അധികൃതര്‍ തീ അണക്കുകയായിരുന്നു. കെ.എസ്.ഇ.ബി അധികൃതര്‍ ഫീഡര്‍ ഓഫാക്കിയതിനാല്‍ കൂടുതല്‍ അപകടങ്ങള്‍ ഒഴിവായി. ഓവര്‍ലോഡ് കാരണമാണ് തീ ഉണ്ടായതെന്ന് കെ.എസ്.ഇ.ബി അധികൃതര്‍ പറഞ്ഞു.