ന്യൂഡല്‍ഹി: പാകിസ്താനില്‍ പക്ഷിപ്പനി മൂലം മയിലുകള്‍ ചത്തൊടുങ്ങുന്നു. തര്‍പാര്‍കര്‍ മേഖലയില്‍ 170ഓളം മയിലുകള്‍ ഇതിനകം പകര്‍ച്ചവ്യാധി മൂലം ചത്തു. പാകിസ്താനിലെ പ്രാദേശിക മാധ്യമങ്ങളാണ് വാര്‍ത്ത പുറത്തുവിട്ടത്.

കഴിഞ്ഞ ദിവസങ്ങളിലായി 30 വിവിധ പക്ഷികള്‍ ഇവിടെ പകര്‍ച്ചവ്യാധി മൂലം ചത്തിരുന്നു. പാകിസ്താനിലെ മരുഭൂമി മേഖലയായ ഇവിടെ വന്യജീവി സംരക്ഷണ വകുപ്പ് പക്ഷിപ്പനി തടയാനുള്ള നടപടികള്‍ ആരംഭിച്ചിട്ടുണ്ട്. ഇതിന്റെ ഭാഗമായി പക്ഷികള്‍ക്ക് വാകിസിനേഷന്‍ നല്‍കുന്ന ജോലികള്‍ പുരോഗമിക്കുകയാണ്.