തേഞ്ഞിപ്പലം: കാലിക്കറ്റ് സര്‍വകലാശാലാ ഡിപ്പാര്‍ട്ടുമെന്റ് ഓഫ് ലൈഫ് ലോംഗ് ലേണിംഗിന്റെയും ഇന്ത്യന്‍ കൗണ്‍സലേഴ്‌സ് അസോസിയേഷന്റെയും ആഭിമുഖ്യത്തില്‍ 18-നു രാവിലെ പത്തിനു കൗണ്‍സലിംഗ്-ആധുനിക പ്രവണതകളും വെല്ലുവിളികളും എന്ന വിഷയത്തില്‍ സെമിനാര്‍ സംഘടിപ്പിക്കുന്നു. ഡോ.കെ.ശിവരാജന്‍ ഉദ്ഘാടനം ചെയ്യും. മനശാസ്ത്ര വിദഗ്ധനായ കുര്യന്‍ പുരയിടന്‍ ക്ലാസ് നയിക്കും. ഉച്ചക്ക് രണ്ടിന് ഐ.സി.എയുടെ പുതിയ ഭാരവാഹികളെ തെരഞ്ഞെടുക്കുന്നതിനു ജനറല്‍ ബോഡി യോഗം നടക്കും. പഠനവകുപ്പിലെ മുഴുവന്‍ പൂര്‍വവിദ്യാര്‍ഥികളും പങ്കെടുക്കണമെന്നു വകുപ്പു മേധാവി അറിയിച്ചു.