തൃശൂര്‍: ആധുനിക സൗകര്യങ്ങളോടെ കിലയില്‍ നിര്‍മിച്ച പരിശീലന ബ്ലോക്കിന്റെ ഉദ്ഘാടനം ജൂണ്‍ 18 ന് രാവിലെ 11 മണിക്കു തദ്ദേശസ്വയംഭരണ വകുപ്പു മന്ത്രി ഡോ.കെ.ടി ജലീല്‍ ഉദ്ഘാടനം ചെയ്യുമെന്ന് കില ഡയറക്ടര്‍ ഡോ.പി.പി ബാലന്‍ അറിയിച്ചു. അനില്‍ അക്കര എം.എല്‍.എ അധ്യക്ഷനാകും.
ചടങ്ങില്‍ സഹകരണ വകുപ്പു മന്ത്രി എ.സി മൊയ്തീന്‍ മുഖ്യതിഥിയായിരിക്കും. ജില്ലാ പഞ്ചായത്ത് പ്രസിഡന്റ് ഷീല വിജയകുമാര്‍, പുഴയ്ക്കല്‍ ബ്ലോക്ക് പഞ്ചായത്ത് പ്രസിഡന്റ് അഡ്വ.ലൈജു.സി.എടക്കളത്തൂര്‍, മുളങ്കുന്നത്തുകാവ് ഗ്രാമപഞ്ചായത്ത് പ്രസിഡന്റ് ബിന്ദു ബെന്നി, ജില്ലാ പഞ്ചായത്ത് മെമ്പര്‍ പി.ആര്‍ സുരേഷ്ബാബു, ബ്ലോക്ക് പഞ്ചായത്ത് മെമ്പര്‍ രഞ്ചു വാസുദേവന്‍, പഞ്ചായത്ത് വൈസ് പ്രസിഡന്റ് കെ.എച്ച് സുഭാഷ് ആശംസകളര്‍പ്പിക്കും.