റിയാദ്: സഊദിയിലെ ബീശയില്‍ കാറുകള്‍ കൂട്ടിയിടിച്ച് 12 പേര്‍ വെന്തു മരിച്ചു. ബീശ അല്‍റൈന്‍ റോഡില്‍ രണ്ടു കാറുകള്‍ തമ്മില്‍ കൂട്ടിയിടിച്ചാണ് അപകടം. ഇടിയുടെ ആഘാതത്തില്‍ രണ്ടു കാറുകളും പൂര്‍ണമായും അഗ്നിക്കിരയായി. രണ്ടു കാറിലെയും മുഴുവന്‍ യാത്രക്കാരും വെന്തു മരിക്കുകയായിരുന്നു. ആദ്യ കാറില്‍ സ്ത്രീകളും കുട്ടികളുമടക്കം 10 പേരും രണ്ടാമത്തെ കാറില്‍ രണ്ടു പേരുമായിരുന്നു ഉണ്ടായിരുന്നതെന്ന് റെഡ് ക്രസന്റ് ഉദ്യോഗസ്ഥര്‍ പറഞ്ഞു.

കാറുകളിലൊന്ന് ട്രൈലറിനെ മറികടക്കാനുള്ള ശ്രമത്തിനിടെ രണ്ടാമത്തെ കാറുമായി കൂട്ടിയിടിക്കുകയായിരുന്നു. സിവില്‍ ഡിഫന്‍സും റെഡ് ക്രസന്റും സ്ഥലത്തെത്തി രക്ഷാപ്രവര്‍ത്തനം നടത്തി മൃതദേഹങ്ങള്‍ മോര്‍ച്ചറിയിലേക്ക് മാറ്റി.