കോഴിക്കോട്: പ്രമുഖ മലയാള നടിയെ ആക്രമിച്ച സംഭവത്തില്‍ ഗൂഢാലോചനയില്ലെന്ന മുഖ്യമന്ത്രി പിണറായി വിജയന്റെ വാക്കുകള്‍ക്കെതിരേ നടിയും കോണ്‍ഗ്രസ് വക്താവുമായ ഖുഷ്ബു.

മുഖ്യമന്ത്രിയുടെ ഇത്തരത്തിലുള്ള വാക്കുകള്‍ കേസന്വേഷണത്തില്‍ നിന്ന് സര്‍ക്കാര്‍ പിന്നോട്ട് പോകുന്നതിന്റെ സൂചനയാണ് നല്‍കുന്നത്. സംഭവവുമായി സി.പി.എമ്മുമായി ബന്ധമുള്ള ആര്‍ക്കെങ്കിലും പങ്കുണ്ടോ എന്നും അവരെ സംരക്ഷിക്കാനാണോ സര്‍ക്കാര്‍ നീക്കമെന്നും സംശയിക്കേണ്ടി വരുമെന്നും ഖുഷ്ബു പറഞ്ഞു. കേരളം അക്രമങ്ങളുടെ സ്വന്തം നാടാകുന്ന കാഴ്ചയാണ് ഇടത് ഭരണത്തില്‍ കാണാന്‍ കഴിയുന്നതെന്നും ഖുഷ്ബു കൂട്ടിച്ചേര്‍ത്തു.