പാണ്ടിക്കാട്: റോഡരികില്‍ നിര്‍ത്തിയിട്ട ലോറിക്കു പിറകില്‍ ബൈക്കിടിച്ച് ഒരാള്‍ മരിച്ചു. മേലാറ്റൂര്‍ ചെമ്മാണിയോട് സ്വദേശി കൊളപ്പുള്ളി വിജയന്‍ (40) ആണ് മരിച്ചത്. ഒപ്പമുണ്ടായിരുന്ന ചെമ്മാണിയോട് സ്വദേശി പ്രമോദി (18) നെ ഗുരുതര പരുക്കുകളോടെ പെരിന്തല്‍മണ്ണയിലെ സ്വകാര്യ ആശുപത്രിയില്‍ പ്രവേശിപ്പിച്ചു.

[caption id="attachment_815016" align="alignleft" width="360"] മരണപ്പെട്ട വിജയന്‍[/caption]

തിങ്കളാഴ്ച ഉച്ചയ്ക്ക് രണ്ടരയോടെ പാണ്ടിക്കാട്- വണ്ടൂര്‍ റോഡ് ഹൈസ്‌കൂള്‍പടിയില്‍ പെട്രോള്‍ പമ്പിന് സമീപമാണ് അപകടം. വണ്ടൂര്‍ ഭാഗത്ത് നിന്നു വരികയായിരുന്ന ബൈക്ക് നിയന്ത്രണം വിട്ട് റോഡരികില്‍ നിര്‍ത്തിയിട്ടിരുന്ന ലോറിക്ക് പിറകില്‍ ഇടിക്കുകയായിരുന്നുവെന്ന് ദൃസാക്ഷികള്‍ പറഞ്ഞു. ഇരുവരെയും പെരിന്തല്‍മണ്ണയിലെ സ്വകാര്യ ആശുപത്രിയില്‍ എത്തിച്ചെങ്കിലും വിജയന്‍ വൈകിട്ട് നാലോടെ മരണപ്പെട്ടു.