അമ്പലപ്പുഴ: ദേശീയപാതയില്‍ പുന്നപ്ര കെ.എസ്.ഇ.ബിക്ക് സമീപം മാലിന്യം തള്ളുന്നു. ദുര്‍ഗന്ധം സഹിക്കാനാവാതെ ജീവനക്കാരും പ്രദേശവാസികളും. ഈ ഭാഗത്ത് സൂക്ഷിച്ചിരുന്ന വൈദ്യുത പോസ്റ്റുകള്‍ക്ക് മീതേയാണ് മാലിന്യം കൊണ്ടുതള്ളന്നത്. അതിനാല്‍ പോസ്റ്റ് എടുക്കാനാവാതെ ജീവനക്കാര്‍ ബുദ്ധിമുട്ടിലായി. പിന്നീട് ദുര്‍ഗന്ധം സഹിച്ച് മണിക്കൂറുകള്‍ ചെലവഴിച്ചാണ് പോസ്റ്റുകള്‍ നീക്കം ചെയ്യാനായത്.  ഇത് നാട്ടുകാര്‍ക്കിടയിലും പ്രതിഷേധത്തിനിടവരുത്തി. ചാക്കിലും പ്ലാസ്റ്റിക് കവറുകിലും കെട്ടുകളാക്കിയാണ് ഇവിടെ മാലിന്യം അലക്ഷ്യമായി വലിച്ചെറിയുന്നത്. എന്നാല്‍ ഇതിനെതിരെ വാര്‍ഡംഗമോ പഞ്ചായത്തോ നടപടി സ്വീകരിക്കാന്‍ തയാറായിട്ടില്ല.