ഇടുക്കി: മുത്തൂറ്റ് ഫിനാന്‍സ് ബ്രാഞ്ച് മാനേജരുടെ ദേഹത്ത് സി.ഐ.ടി.യു പ്രവര്‍ത്തകര്‍ മീന്‍ വെള്ളമൊഴിച്ചു. കട്ടപ്പന ബ്രാഞ്ചിലെ വനിതാ മാനേജര്‍ അനിതാ ഗോപാലന് നേര്‍ക്കാണ് അതിക്രമം ഉണ്ടായത്. ദേഹത്ത് മീന്‍ കഴുകിയ വെള്ളം ഒഴിക്കുകയായിരുന്നു. ഓഫീിസ് തുറക്കാന്‍ എത്തിയപ്പോഴായിരുന്നു സംഭവം. സിഐടിയുവിന്റെ നേതൃത്വത്തിലുള്ള സമരത്തെ തുടര്‍ന്ന് കുറെ ദിവസങ്ങളായി ഓഫീസ് അടഞ്ഞ് കിടക്കുകയായിരുന്നു.

ഓഫിസ് തുറക്കാന്‍ ഒരു കാരണവശാലും അനുവദിക്കില്ലെന്ന് ആക്രോശിച്ചാണ്, സമരക്കാരായ എട്ട് സിഐടിയു പ്രവര്‍ത്തകര്‍ അതിക്രമം നടത്തിയത്. മാനേജര്‍ അനിതാ ഗോപാലന്‍ കട്ടപ്പന പൊലിസില്‍ പരാതി നല്‍കി.

മുത്തൂറ്റ് ഫിനാന്‍സ് ഓഫീസുകളില്‍ സംസ്ഥാന വ്യാപകമായി അനിശ്ചിതകാല സമരം നടക്കുകയാണ്. ജീവനക്കാര്‍ക്കെതിരെ നേരത്തെയും അതിക്രമം നടന്നിരുന്നു.