നെടുമ്പാശേരി: അന്താരാഷ്ട്ര വിമാനത്താവളത്തിലെ എയര്‍ കാര്‍ഗോ വഴി അനധികൃതമായി കടത്താന്‍ ശ്രമിച്ച അര കിലോഗ്രാം സ്വര്‍ണം കസ്റ്റംസ് ഉദ്യോഗസ്ഥര്‍ പിടികൂടി.
സംശയം തോന്നിയതിനെ തുടര്‍ന്ന് കസ്റ്റംസ് നടത്തിയ വിശദമായ പരിശോധനയിലാണ് സ്വര്‍ണം കണ്ടെത്തിയത്. കാര്‍ഗോയില്‍ എത്തിയ സ്വര്‍ണം അടക്കമുള്ള സാധനങ്ങള്‍ എടുക്കാന്‍ വിമാനത്തത്താവളത്തിലെത്തിയ കാസര്‍കോട് സ്വദേശിയാണ് പിടിയിലായത്.
ടൈഗര്‍ ബാം ടിന്നിന്റെ അടപ്പിനകത്തും ചുരിദാറിന്റെ കോളറിനകത്തും ഒളിപ്പിച്ചാണ് സ്വര്‍ണം കടത്താന്‍ ശ്രമിച്ചത്. ഇതാദ്യമായാണ് എയര്‍ കാര്‍ഗോ മുഖേന സ്വര്‍ണം കടത്താനുള്ള ശ്രമം കണ്ടെത്തുന്നത്. കാര്‍ഗോ വഴി വന്‍തോതില്‍ സ്വര്‍ണം കടത്തുന്നതിന് വേണ്ടി പരീക്ഷണാടിസ്ഥാനത്തിലുള്ള ശ്രമമായിരുന്നു ഇതെന്നാണ് കസ്റ്റംസിന്റെ പ്രാഥമിക നിഗമനം.പിടിയിലായ കാസര്‍കോട് സ്വദേശിയെ വിശദമായി ചോദ്യം ചെയ്തു വരികയാണ്.