തിരുവനന്തപുരം: മൂന്ന് മണിക്കൂറിന് ശേഷം എസ്എടി ആശുപത്രിയില്‍ വൈദ്യുതി പുനഃസ്ഥാപിച്ചു. താല്‍ക്കാലിക ജനറേറ്ററെത്തിച്ചാണ് വൈദ്യുതി പുനഃസ്ഥാപിച്ചത്. സ്ത്രീകളുടെയും കുട്ടികളുടെയും അത്യാഹിത വിഭാഗം ബ്ലോക്കില്‍ ഇന്ന് രാത്രിയോടെ വൈദ്യതി മുടങ്ങിയതോടെ, ടോര്‍ച്ച് ലൈറ്റിലും, മെഴുകുതിരി വെളിച്ചത്തിലുമാണ് ആശുപത്രി പ്രവര്‍ത്തിച്ചത്. 

വൈദ്യുതി ഇല്ലാതായതോടെ അത്യാഹിത വിഭാഗത്തിലെ രോഗികള്‍ ദുരിതത്തിലായി. രോഗികളും ബന്ധുക്കളും ആശുപത്രിയില്‍ പ്രതിഷേധിച്ചു. വൈദ്യുതി മുടങ്ങിയതിന് പിറകെ ജനറേറ്ററും കേടായതാണ് പ്രതിസന്ധി രൂക്ഷമാക്കിയതെന്ന് സുപ്രണ്ട് അറിയിച്ചു. കുട്ടികളുടെ വിഭാഗം, ഐസിയു ഉള്‍പ്പെടെയുള്ള വിഭാഗങ്ങളില്‍ പ്രശ്‌നമില്ലെന്നാണ് മെഡിക്കല്‍ വിദ്യാഭ്യാസ വകുപ്പ് ജോ. ഡയറക്ടര്‍ അറിയിച്ചത്.

SAT Hospital experiences temporary power outage, but electricity is successfully restored within three hours, ensuring minimal disruption to critical healthcare services.