തളിപ്പറമ്പ്: മൂത്തേടത്ത് ഹയര്‍സെക്കന്‍ഡറി സ്‌കൂളില്‍ പി.ടി.എ സ്ഥാപിച്ച വാട്ടര്‍ പ്യൂരിഫയര്‍ തകര്‍ത്തു. യന്ത്രത്തിന്റെ ഫില്‍ട്ടറിങ് ഡൂം പൊട്ടിക്കുകയായിരുന്നു. തിങ്കളാഴ്ചയായിരുന്നു സംഭവം. പതിനായിരം രൂപയുടെ നഷ്ടം കണക്കാക്കുന്നു. വെള്ളം ശുദ്ധീകരിച്ച് ഉപയോഗിക്കുന്ന യന്ത്രം സാമൂഹ്യ വിരുദ്ധര്‍ തകര്‍ത്തതോടെ വിദ്യാര്‍ഥികളും അധ്യാപകരും കുടിവെള്ളത്തിനായി ബുദ്ധിമുട്ടുകയാണ്. പി.ടി.എ പ്രസിഡന്റ് സി രമേശന്‍ തളിപ്പറമ്പ് പൊലിസില്‍ പരാതി നല്‍കി.