ഇരിങ്ങല്ലൂര്‍: ഒളവണ്ണ പഞ്ചായത്തിലെ ഇരിങ്ങല്ലൂര്‍ എല്‍.പി സ്‌കൂളില്‍ 'സ്‌നേഹപൂര്‍വം സുപ്രഭാതം' പദ്ധതിക്ക് തുടക്കമായി. എസ്.കെ.എസ്.എസ്.എഫ് ഇരിങ്ങല്ലൂര്‍ യൂനിറ്റ് സ്‌പോണ്‍സര്‍ ചെയ്ത പത്രം ഒളവണ്ണ പഞ്ചായത്ത് വിദ്യാഭ്യാസ സ്റ്റാന്‍ഡിങ് കമ്മിറ്റി ചെയര്‍മാന്‍ ഉഷ വിദ്യാര്‍ഥികള്‍ക്ക് കൈമാറി ഉദ്ഘാടനം ചെയ്തു. പ്രധാനാധ്യാപിക ലതിക അധ്യക്ഷയായി. പി.ടി.എ പ്രസിഡന്റ് ഇ. ബഷീര്‍, വാര്‍ഡ് അംഗം പവിത്രന്‍, എസ്.കെ.എസ്.എഫ് യൂനിറ്റ് പ്രസിഡന്റ് അബ്ബാസ്, സുപ്രഭാതം ഓര്‍ഗനൈസര്‍ വാഹിദ് പാഴൂര്‍, ജഅ്ഫര്‍ ഇരിങ്ങല്ലൂര്‍ സംസാരിച്ചു.