ചങ്ങരംകുളം: മൊബൈല്‍ ഫോണ്‍ വഴി ഉപയോഗിക്കുന്ന നവമാധ്യമമായ വാട്‌സ് ആപ്പിലൂടെ പെണ്‍കുട്ടികള്‍ക്ക് അശ്ലീല മെസേജ് അയച്ച യുവാവിനെ ചങ്ങരംകുളം പൊലിസ് പിടികൂടി. എടപ്പാള്‍ സ്വദേശിയായ ഇരുപത്തിരണ്ടുകാരനെയാണു പെണ്‍കുട്ടിയുടെ പരാതിയെത്തുടര്‍ന്നു ചങ്ങരംകുളം എസ്.ഐ ആര്‍.വിനോദ് അറസ്റ്റ് ചെയ്തത്. കുറച്ചു ദിവസങ്ങളായി പെണ്‍കുട്ടിയുടെ മൊബൈലിലേക്ക് അശ്ലീല ചുവയുള്ള മെസേജ് വരാന്‍ തുടങ്ങിയതോടെ പെണ്‍കുട്ടി സഹോദരനോടു പറയുകയും തുടര്‍ന്നു പൊലീസില്‍ പരാതി നല്‍കുകയുമായിരുന്നു.