വേങ്ങര: എസ്.കെ.എസ്.എസ്.എഫ് ട്രന്‍ഡിന്റെ അംഗീകാരത്തോടെ വേങ്ങര വലിയോറ മനാട്ടിപ്പറമ്പ് മസാലിഹുല്‍ മുസ്‌ലിമീന്‍ മഹല്ല് കമ്മിറ്റിയുടെ ആഭിമുഖ്യത്തില്‍ ആരംഭിച്ച അദബ് ഇസ്‌ലാമിക് പ്രീ സ്‌കൂള്‍ അഡ്മിഷന്‍ ഉദ്ഘാടനം പാണക്കാട് സയ്യിദ് മുനവ്വറലി ശിഹാബ് തങ്ങള്‍ നിര്‍വഹിച്ചു. മഹല്ല് പ്രസിഡന്റ് കെ.കെ കുഞ്ഞി മുഹമ്മദ് ഹാജി അധ്യക്ഷനായി.
മഹല്ല് ഖത്വീബ് ഹസന്‍ ദാരിമി കുട്ടശ്ശേരി, സെക്രട്ടറി ടി.വി ഇഖ്ബാല്‍, മുസ്‌ലിം യൂത്ത് ലീഗ് മണ്ഡലം പ്രസിഡന്റ് ടി അബ്ദുല്‍ ഹഖ്, കെ.കെ മുഹമ്മദ് കുട്ടി ഹാജി, കുഴിക്കാട്ടില്‍ അബ്ദുല്‍ മജീദ്, പാറക്കാട്ട് മുഹമ്മദ്, വേങ്ങര പഞ്ചായത്ത് സ്റ്റാന്‍ഡിങ് കമ്മിറ്റി ചെയര്‍മാന്‍ കെ.കെ മന്‍സൂര്‍, ശാഫി പി.സി, കെ.കെ അലി, എം.ടി ഉമര്‍, റഫീഖ് അയനിക്കാട്, ഫവാസ് ഹുദവി കോടിയാട്, സി.ടി യൂനുസ് റഹ്മാനി, പി.സി ഷംസു, കെ.വി സാദിഖ് സംസാരിച്ചു.
മൂന്ന് വയസ് തികഞ്ഞ വിദ്യാര്‍ഥികള്‍ക്കാണ് അഡ്മിഷന്‍ നല്‍കുന്നത്. മഹല്ല് ശാക്തീകരണത്തിന്റെ ഭാഗമായി വലിയോറ മനാട്ടിപ്പറമ്പ് മസാലിഹുല്‍ മുസ്‌ലിമീന്‍ പ്രവാസി കൂട്ടായ്മയുടെ സഹകരണത്തോടെയാണ് പ്രീ സ്‌കൂള്‍ ആരംഭിക്കുന്നത്.