നിലമ്പൂര്‍: പുതിയ ബസ് സ്റ്റാന്‍ഡില്‍നിന്നു മോഷ്ടിച്ച് കടത്തിയ മിനി ബസ് അന്വേഷണ സംഘം രാമനാട്ടുകരയില്‍ കണ്ടെത്തി. ഡീസല്‍ തീര്‍ന്നതിനെ തുടര്‍ന്നു മോഷ്ടാക്കള്‍ ഉപേക്ഷിച്ചു പോയതാണെന്നു കരുതുന്നു.
ബസ് സ്റ്റാന്‍ഡ് പരിസരങ്ങളിലെ സി.സി.ടി.വിയില്‍നിന്നു മോഷണ സംഘത്തെക്കുറിച്ചുള്ള സുപ്രധാന വിവരങ്ങള്‍ ലഭിച്ചതായാണ് സൂചന. ജീപ്പിലാണ് മോഷ്ടാക്കള്‍ എത്തിയതെന്നും നാലംഗ സംഘമാണ് മോഷണം നടത്തിയതിനു പിന്നിലെന്നുമാണ് നിഗമനം. അന്വേഷണം ഊര്‍ജിതപ്പെടുത്തിയിട്ടുണ്ട്.