ബീനാച്ചി: ആത്മീയത പാരത്രിക വിജയത്തിനു മാത്രമല്ല ഭൗതിക ജീവിത വിജയത്തിന്റെയും അടിസ്ഥാന ഘടകമാണെന്ന് സമസ്ത ജില്ലാ പ്രസിഡന്റ് കെ.ടി ഹംസ മുസ്‌ലിയാര്‍ അഭിപ്രായപ്പെട്ടു. ബീനാച്ചി മഹല്ല് കമ്മിറ്റി സംഘടിപ്പിച്ച ദിക്ര്‍ ഖത്തം ദുആ മജ്‌ലിസ് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. മഹല്ല് ഖത്തീബ് നജ്മുദ്ദീന്‍ ദാരിമി അധ്യക്ഷനായി. ഖത്തം പ്രാര്‍ഥനയ്ക്ക് വാവാട് കുഞ്ഞിക്കോയ മുസ്‌ലിയാര്‍ നേതൃത്വം നല്‍കി. എ.വി അബ്ദുറഹ്മാന്‍ മുസ്്‌ലിയാര്‍ നന്തി മുഖ്യപ്രഭാഷണം നടത്തി. മഹല്ല് പ്രസിഡന്റ് കെ.കെ ബശീര്‍ ഉപഹാരം നല്‍കി. ഹാരിസ് ബാഖവി കമ്പളക്കാട്, ജഅ്ഫര്‍ ഹൈത്തമി, പി.പി അബ്ദുല്‍ ഖാദര്‍ ഹാജി, മുസ്തഫ ദാരിമി കല്ലുവയല്‍, ഉമര്‍ ഫൈസി, വി.ടി ശൗഖത്തലി, ഖാലിദ് ഫൈസി, ഡോ. കെ. മൊയ്തീന്‍ സംസാരിച്ചു. 12 മാസം കൊണ്ട് വിശുദ്ധ ഖുര്‍ആന്‍ മനഃപാഠമാക്കിയ ഹാഫിള് നസില്‍ ഷായ്ക് വാവാട് കുഞ്ഞിക്കോയ മുസ്‌ലിയാര്‍ ഉപഹാരം നല്‍കി. മഹല്ല് സെക്രട്ടറി സി. മുഹമ്മദ് ശരീഫ് ഹാജി സ്വാഗതവും പി.ടി ഉനൈസ് വാഫി നന്ദിയും പറഞ്ഞു.