ചേളാരി: സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡിന്റെ അംഗീകൃത മദ്‌റസകള്‍ 10,000 കവിഞ്ഞതുമായി ബന്ധപ്പെട്ട് 27നു കോഴിക്കോട്ട് നടക്കുന്ന വിദ്യാഭ്യാസ സെമിനാറിന്റെയും കോഴിക്കോട് കടപ്പുറത്ത് നടക്കുന്ന 'ദ ഹെറിറ്റേജ്' ദൃശ്യാവിഷ്‌കാരത്തിന്റെയും ബ്രോഷര്‍ സമസ്ത ജനറല്‍ സെക്രട്ടറി പ്രൊഫ. കെ. ആലിക്കുട്ടി മുസ്‌ലിയാര്‍ പ്രകാശനം ചെയ്തു. ചേളാരി സമസ്താലയത്തില്‍ നടന്ന ചടങ്ങില്‍ മാനേജര്‍ കെ. മോയിന്‍കുട്ടി മാസ്റ്റര്‍, കെ.എം അബ്ദുല്ല മാസ്റ്റര്‍ കൊട്ടപ്പുറം, എം.എ ചേളാരി, കെ.പി അബ്ദുറഹിമാന്‍ മുസ്‌ലിയാര്‍, കെ.സി അഹ്മദ് കുട്ടി മൗലവി, കെ. ഹംസക്കോയ ഹാജി, ഒ.കെ.എം കുട്ടി ഉമരി, മെഹബൂബ് മാളിയേക്കല്‍ സംബന്ധിച്ചു.