ഗസ്സ: 40 വയസിനിടെ 69 കുട്ടികള്‍ക്ക് ജന്മം നല്‍കിയ ഫലസ്തീനിലെ 'അത്ഭുത വനിത' അന്തരിച്ചു. ഇത്രയും കുട്ടികള്‍ക്ക് ജന്മംനല്‍കിയ ഇവരുടെ ചരിത്രം ഭര്‍ത്താവാണ് വെളിപ്പെടുത്തിയത്. 16 പ്രസവത്തില്‍ ഇരട്ടകളായി 32 കുട്ടികളും ഏഴു തവണ മൂന്നു കുട്ടികള്‍ വീതം 21 കുട്ടികളും നാല് പ്രസവത്തില്‍ നാല് കുട്ടികള്‍ വീതം പതിനാറു കുട്ടികളുമടക്കം 69 കുട്ടികള്‍ക്കാണ് ജന്മം നല്‍കിയത്. ഇവരുടെ ജീവിതം ശാസ്ത്രലോകത്തെ അത്ഭുതപ്പെടുത്തിയിരിക്കുകയാണ്. അല്‍ അറേബ്യ ചാനലാണ് വാര്‍ത്ത പുറത്തുവിട്ടത്.
വസില്‍വിയ എന്ന റഷ്യന്‍ വനിതയാണ് ഏറ്റവും കൂടുതല്‍ കുട്ടികള്‍ക്ക് ജന്മം നല്‍കിയതിന് ഗിന്നസ് റെക്കോര്‍ഡില്‍ ഇടം നേടിയത്. ഇവര്‍ക്കും 69 കുട്ടികളാണുള്ളത്. 27 പ്രസവത്തിലായിരുന്നു ഇത്.