മദീന: പൗരത്വ ഭേദഗതി നിയമം രാജ്യത്ത് നടപ്പിലാക്കുക വഴി സംഘ് പരിവാർ ലക്ഷ്യം വെക്കുന്ന വിഭജന അജണ്ടകൾ സമൂഹം തിരിച്ചറിയണമെന്നും ഇതിനെതിരെ യോജിച്ച പ്രവർത്തനങ്ങൾ അനി വാര്യമാണെന്നും തനിമ യാമ്പു പഠന സംഗമം അഭിപ്രായപ്പെട്ടു. നാജിൽ അറബ് ഓഡിറ്റോറിയത്തിൽ 'പൗരത്വ ഭേദഗതി നിയമവും സംഘ് പരിവാർ വിഭജന അജണ്ടകളും' എന്ന തലക്കെട്ടിൽ സംഘടിപ്പിച്ച പഠന സംഗമത്തിൽ വിവിധ രാഷ്ട്രീയ സാമൂഹിക സാംസ്കാരിക സംഘടനാ നേതാക്കൾ പങ്കെടുത്തു.
ശഖ്‌റ യൂണിവേഴ്സിറ്റി അധ്യപകൻ ഡോ. മുഹമ്മദ് നജീബ് വിഷയാവതരണം നടത്തി. തനിമ യാമ്പു സോണൽ പ്രസിഡന്റ് ജാബിർ വാണിയമ്പലം ചടങ്ങിൽ അധ്യക്ഷത വഹിച്ചു. വിവിധ സംഘടനകളെ പ്രതിനിധീകരിച്ച് അബ്ദുൽ റസാഖ് വാവൂർ (എസ്.ഐ.സി ), അബ്ദുൽ മജീദ് സുഹ്‌രി ( ഇന്ത്യൻ ഇസ്‌ലാഹി സെന്റർ ), അബ്ദുൽ കരീം പുഴക്കാട്ടിരി ( കെ.എം.സി.സി ), അസ്‌കർ വണ്ടൂർ (ഒ.ഐ.സി.സി ), ഹസൻ ഫൈസൽ (നവോദയ ), സാബു വെള്ളാരപ്പിള്ളി (പ്രവാസി സാംസ്‌കാരിക വേദി ), ഉബൈദ് കക്കോവ് (ഫോക്കസ്), സാബു വെളിയം (യാമ്പു വിചാര വേദി ) എന്നിവർ സംസാരിച്ചു. തനിമ യാമ്പു സോണൽ ജനറൽ സെക്രട്ടറി സലീം വേങ്ങര സ്വാഗതവും അനീസുദ്ദീൻ ചെറുകുളമ്പ് നന്ദിയും പറഞ്ഞു.