ചണ്ഡിഗഢ്: ഹരിയാന നിയമസഭയിലേക്കുള്ള വോട്ടെടുപ്പ് ആരംഭിച്ചു. രാവിലെ 9 മണിവരെ 9.5 ശതമാനം പോളിങ് രേഖപ്പെടുത്തി. രാവിലെ ഏഴ് മണിയോടെയാണ് പോളിങ് ആരംഭിച്ചത്. വൈകീട്ട് ആറ് മണിയോടെ അവസാനിക്കും.

സംസ്ഥാനത്തെ 22 ജില്ലകളിലെ 90 മണ്ഡലങ്ങളിലേക്ക് നടക്കുന്ന വോട്ടെടുപ്പില്‍ 1031 സ്ഥാനാര്‍ഥികളാണ് ഇന്ന് ജനവിധി തേടുന്നത്. 

തുടര്‍ഭരണം ലക്ഷ്യമിട്ട് ബി.ജെ.പിയും ഭരണവിരുദ്ധ വികാരം മുതലെടുത്ത് അധികാരം നേടാന്‍ കോണ്‍ഗ്രസും അട്ടിമറിയിലൂടെ വിലപേശല്‍ ശക്തിയാവാന്‍ ജെ.ജെ.പി, ഐ.എന്‍.എല്‍.ഡി പാര്‍ട്ടികളും നേര്‍ക്കുനേര്‍ പോരാടുന്ന ഹരിയാനയില്‍ പ്രചാരണ ഘട്ടത്തില്‍ നിരവധി വിഷയങ്ങളാണ് ഉയര്‍ന്നത്. കര്‍ഷക സമരം, തൊഴിലില്ലായ്മ, ഗുസ്തി താരങ്ങള്‍ക്കെതിരായ കേന്ദ്രസര്‍ക്കാര്‍ നീക്കം, ജാതിസെന്‍സസ്, ക്രമസമാധാന പ്രശ്‌നങ്ങള്‍ എന്നിവയാണ് തെരഞ്ഞെടുപ്പ് പ്രചാരണത്തില്‍ പ്രധാനമായും ചര്‍ച്ചയായത്.