കോഴിക്കോട്: സുന്നി യുവജന സംഘം സംസ്ഥാന കമ്മിറ്റിയുടെ ആഹ്വാന പ്രകാരം റിപ്പബ്ലിക് ദിനത്തോടനുബന്ധിച്ച് ജില്ലാ കമ്മിറ്റികളുടെ നേതൃത്വത്തില്‍ നടക്കുന്ന സെമിനാറുകള്‍ക്ക് നാളെ തുടക്കമാകും.
ഭരണഘടന സ്വത്വവും സത്യവും എന്നതാണ് പ്രമേയം. അരീക്കോട് പാക്കിന്‍ കോണ്‍ഫറന്‍സ് ഹാളില്‍ നടക്കുന്ന മലപ്പുറം ജില്ലാ സെമിനാര്‍ പി.വി അബ്ദുല്‍ വഹാബ് എം. പി ഉദ്ഘാടനം ചെയ്യും. സയ്യിദ് അബ്ബാസലി ശിഹാബ് തങ്ങള്‍ അധ്യക്ഷനാകും. അബ്ദുസ്സമദ് പൂക്കോട്ടൂര്‍ വിഷയം അവതരിപ്പിക്കും. കെ.എ റഹ്മാന്‍ ഫൈസി, അഡ്വ. യു.കെ ലത്തീഫ്, സി. ഹംസ പ്രസംഗിക്കും. ആലുവ മഹാനവമി ഓഡിറ്റോറിയത്തില്‍ നടക്കുന്ന എറണാകുളം ജില്ലാ സെമിനാര്‍ അന്‍വര്‍ സാദത്ത് എം.എല്‍.എ ഉദ്ഘാടനം നിര്‍വഹിക്കും. ജില്ലാ പ്രസിഡന്റ് എന്‍.കെ മുഹമ്മദ് ഫൈസി അധ്യക്ഷനാകും. ഓണംപള്ളി മുഹമ്മദ് ഫൈസി വിഷയം അവതരിപ്പിച്ച് സംസാരിക്കും.
അഡ്വ. ശങ്കര്‍, എന്‍.കെ അലി പ്രസംഗിക്കും. അബൂബക്കര്‍ ഹുദവി മുണ്ടംപറമ്പ് മോഡറേറ്ററാകും. ഉദുമ ഈച്ചിലിങ്കാലില്‍ നടക്കുന്ന കാസര്‍കോട് ജില്ലാ സെമിനാര്‍ യു.എം അബ്ദുറഹ്മാന്‍ മുസ്‌ലിയാര്‍ ഉദ്ഘാടനം ചെയ്യും. അബൂബക്കര്‍ സാലൂദ് നിസാമി വിഷയമവതരിപ്പിക്കും.