മുംബൈ: തീവ്ര ഹിന്ദുത്വ നേതാവായിരുന്ന വി.ഡി സവര്‍ക്കര്‍ക്ക് അനുമോദനം സംഘടിപ്പിക്കാനുള്ള സംസ്ഥാന സര്‍ക്കാരിന്റെ തീരുമാനവുമായി ബന്ധപ്പെട്ട് ബി.ജെ.പിയുടെ ആവശ്യം തള്ളി മഹാരാഷ്ട്ര സ്പീക്കര്‍. 

സ്വാതന്ത്ര്യസമരത്തിലെ സവര്‍ക്കറുടെ സംഭാവനകള്‍ മുന്‍നിര്‍ത്തി അദ്ദേഹത്തെ ചരമദിനത്തില്‍ ആദരിക്കാനാണ് ശിവസേന സര്‍ക്കാരിന്റെ നീക്കം.  സവര്‍ക്കറെ കുറിച്ച് വിമര്‍ശനാത്മകമായ കുറിപ്പുകള്‍ പ്രസിദ്ധീകരിക്കുന്ന മഹാരാഷ്ട്ര കോണ്‍ഗ്രസിന്റെ ഷിദോരി മാഗസിന്‍ നിരോധിക്കണമെന്ന പ്രതിപക്ഷ നേതാവ് ദേവേന്ദ്ര ഫഡ്‌നാവിസിന്റെ ആവശ്യമാണ് സ്പീക്കര്‍ നാനാ പട്ടോലെ നിരാകരിച്ചത്. സവര്‍ക്കറുടെ ആശയങ്ങളോട് എതിര്‍പ്പുള്ളവര്‍ പോലും സ്വാതന്ത്ര്യസമരത്തിലെ അദ്ദേഹത്തിന്റെ പങ്ക് നിഷേധിക്കില്ലെന്നാണ് ഉപമുഖ്യമന്ത്രിയും എന്‍.സി.പി നേതാവുമായ അജിത് പവാര്‍ പറഞ്ഞത്.