ഉരുവച്ചാല്‍: ബൈക്ക് അപകടത്തില്‍ യുവാവ് മരിച്ചു. തൊക്കിലങ്ങാടിയില്‍ ഇന്നലെ രാത്രി 11 മണിയോടെയാണ് അപകടം. ഉരുവച്ചാല്‍ പഴശ്ശിയിലെ അന്ത്രുവിന്റെ മകന്‍ മുഹമ്മദ് ശാഫി (28) ആണ് മരിച്ചത്.

മുഴപ്പിലങ്ങാട് നിന്നും ജോലി കഴിഞ്ഞ് ബൈക്കില്‍ ചിറ്റാരിപറമ്പിലേക്ക് പോകവെ തൊക്കിലങ്ങാടിയില്‍ ഡിവൈഡറില്‍ ഇടിച്ച് നിയന്ത്രണം വിട്ടാണ് അപകടം. എതിരെ വന്ന വാഹനം ഇടിക്കാതിരിക്കാന്‍ വെട്ടിച്ചപ്പോള്‍ ഡിവൈഡറില്‍ ബൈക്ക് കയറി റോഡിലേക്ക് തെറിച്ച് വീഴുകയായിരുന്നു. ഉടനെ ആശുപത്രിയില്‍ എത്തിച്ചെങ്കിലും മരിച്ചു. മാതാവ്: ജമീല. മൃതദേഹം തലശ്ശേരി ഗവ. ആശുപത്രിയില്‍ നിന്നും പോസ്റ്റ്‌മോര്‍ട്ടത്തിന് ശേഷം ഇന്ന് വൈകുന്നേരത്തോടെ ചിറ്റാരിപറമ്പ് ജുമാ മസ്ജിദില്‍ ഖബറടക്കും.