കണ്ണൂര്‍: തയ്യില്‍ കടപ്പുറത്ത് ഒന്നര വയസുകാരനെ കൊലപ്പെടുത്തിയ കേസില്‍ അമ്മ ശരണ്യയ്ക്ക് പിന്നാലെ കാമുകനും അറസ്റ്റിലായി.ശരണ്യയുടെ കാമുകനായിരുന്ന നിതിനെ പ്രേരണാക്കുറ്റം ചുമത്തിയാണ് പൊലിസ് അറസ്റ്റ് ചെയ്തിരിക്കുന്നത്. ഇയാളെ പൊലിസ് വിശദമായി ചോദ്യം ചെയ്യും.

കുട്ടിയെ കൊലപ്പെടുത്തിയതിന്റെ തലേദിവസം കാമുകനും ശരണ്യയും വീടിന് സമീപം കൂടിക്കാഴ്ച നടന്നുവെന്നും പൊലിസിന് വ്യക്തമായിട്ടുണ്ട്.

സംഭവത്തില്‍ കഴിഞ്ഞ ചൊവ്വാഴ്ച്ചയാണ് ശരണ്യയെ അറസ്റ്റ് ചെയ്തത്. കാമുകനൊപ്പം കഴിയാനാണ് കുട്ടിയെ കൊലപ്പെടുത്തിയതെന്നാണ് ശരണ്യ പൊലിസിന് നല്‍കിയ മൊഴി.