മാള: വീട്ടില്‍കയറി ഗൃഹനാഥനെ അരിവാളുകൊണ്ട് വെട്ടിപ്പരുക്കേല്‍പ്പിച്ച കേസിലെ പ്രതിയെ അറസ്റ്റ് ചെയ്തു. അമ്പഴക്കാട് സ്വദേശി പടിഞ്ഞാറേ ആറ്റത്തു വീട്ടില്‍ ഗംഗാധരന്റെ (71) പരാതിയില്‍ പാളയം പറമ്പ് സ്വദേശി കദളിക്കാട്ടില്‍ ഗോപിയാണ് (55) അറസ്റ്റിലായത്. കഴിഞ്ഞ 17ന് വൈകിട്ട് എട്ടിനാണ് കേസിന് ആസ്പദമായ സംഭവം.
വീടിന്റെ സിറ്റ് ഔട്ടില്‍ ഇരിക്കുകയായിരുന്ന ഗംഗാധരനെ പ്രതി കൈയില്‍ കരുതിയിരുന്ന അരിവാള്‍ ഉപയോഗിച്ച് നെറ്റിയില്‍ വെട്ടിപ്പരുക്കേല്‍പ്പിക്കുകയായിരുന്നു. തടയാന്‍ ശ്രമിച്ച ഭാര്യയെ ചവിട്ടുകയും അസഭ്യം പറയുകയും ചെയ്തു. മകനെ കൊല്ലുമെന്നു ഭീഷണിപ്പെടുത്തിയതായും പരാതിയില്‍ പറയുന്നു. വീട്ടുപറമ്പിലെ ഇലക്ട്രിക് ലൈന്‍ സംബന്ധിച്ച തര്‍ക്കമാണ് ആക്രമണത്തിന് ഇടയാക്കിയത്. പ്രതിയെ കോടതിയില്‍ ഹാജരാക്കി.