ചവറ: സംസ്ഥാന ബജറ്റില്‍ ചവറ നിയോജകമണ്ഡലത്തിലെ വികസന പ്രവര്‍ത്തനങ്ങള്‍ക്ക് മുന്തിയ പരിഗണന ലഭിച്ചതായി എന്‍. വിജയന്‍പിള്ള എം.എല്‍.എ അറിയിച്ചു.
അരിനല്ലൂര്‍ പെരുങ്ങാലം പാലത്തിന് 20 കോടി രൂപയും നല്ലേഴത്തുമുക്ക് കൊട്ടുകാട്, കൊട്ടുകാട് സരിത ജംഗ്ഷന്‍ റോഡ്, സി.പി. റോഡ്, കൊട്ടുകാട് പയ്യലക്കാവ് താന്നിമൂട് മഠത്തില്‍മുക്ക് ചവറ സൗത്ത് റോഡ് എന്നിവയുടെ നിര്‍മാണത്തിന് 15 കോടി രൂപയും ഇടപ്പള്ളിക്കോട്ട ബാലഭട്ടേശ്വരം പനയന്നാര്‍കാവ്, പന്മന ആശ്രമം ലിയത്ത്മുക്ക് പടപ്പനാല്‍ സി.പി. റോഡ് ലൂപ്പ് റോഡ് എന്നിവയുടെ നിര്‍മാണത്തിന് 15 കോടി രൂപയും വകയിരുത്തി. നിവേദനഫലമായി ഒ.എന്‍.വി സ്മാരക നിര്‍മാണത്തിന് വകയിരുത്തിയ അഞ്ച് കോടി രൂപയില്‍ രണ്ട് കോടി ഈ വര്‍ഷത്തെ ചെലവിനായി വകകൊള്ളിച്ചിട്ടുണ്ട്.
മികവിന്റെ കേന്ദ്രങ്ങളാക്കി വികസിപ്പിക്കാന്‍ അയ്യന്‍കോയിക്കല്‍ ഗവ. എച്ച്. എസ്.എസ് തിരഞ്ഞെടുത്തു.
ഭൗതിക സൗകര്യങ്ങള്‍ മെച്ചപ്പെടുത്താനുള്ള സ്‌കൂളുകളുടെ പട്ടികയില്‍ ചവറ ജി.എച്ച്.എസ്.എസ്, പന്മന മനയില്‍ എസ്.ബി.വി.എസ്, ഗവ.എച്ച്.എസ്.എസ്, വള്ളക്കീഴ് ഗവ. എച്ച്.എസ്.എസ്. എന്നീ സ്‌കൂളുകളെ ഉള്‍പ്പെടുത്തി. നീണ്ടകര താലൂക്ക് ആശുപത്രിയില്‍ ആധുനിക സൗകര്യങ്ങള്‍ ഏര്‍പ്പെടുത്തി പ്രവര്‍ത്തനം വിപുലീകരിക്കാനും തുക ഉള്‍ക്കൊള്ളിച്ചിട്ടുണ്ട്.
ടൈറ്റാനിയം ഫാക്ടറിയുടെ ടൈറ്റാനിയം മെറ്റല്‍ കോംപ്ലക്‌സ് നിര്‍മാണത്തിന് ആവശ്യമായ ഭൂമി ഏറ്റെടുക്കുന്നതിനും തുക വകയിരുത്തിയിട്ടുണ്ട്.
കരിമണല്‍ ഖനനം പൊതുമേഖലയില്‍ വിപുലപ്പെടുത്തുമെന്ന് ധനകാര്യമന്ത്രി ബജറ്റ് പ്രസംഗത്തില്‍ എടുത്തുപറഞ്ഞിട്ടുണ്ടെന്നും എം.എല്‍.എ അറിയിച്ചു.