ന്യൂഡല്‍ഹി: തലസ്ഥാനത്ത് സംഘ്പരിവാര്‍ നടത്തിയ ആക്രമണത്തിനു ശേഷമുള്ള അദ്യ വെള്ളിയാഴ്ച ജുമുഅയ്ക്കു ശേഷം പള്ളികളില്‍നിന്നു മുഴങ്ങിയത് സമാധാനാഹ്വാനം. ഇന്നലെ ഡല്‍ഹിയിലെ വിവിധ പള്ളികളില്‍ ജുമുഅയ്ക്കു ശേഷം സമാധാനത്തിനായി പ്രാര്‍ഥനയും നടന്നു. വിവിധയിടങ്ങളില്‍ പള്ളികള്‍ക്കു മുന്നില്‍ ദേശീയപതാക കെട്ടുകയും ചെയ്തിരുന്നു.
ജുമുഅ എല്ലായിടത്തും സമാധാനപരമായാണ് നടന്നത്. ജുമുഅ നിസ്‌കാരങ്ങള്‍ക്കായി ചിലയിടങ്ങളില്‍ സുരക്ഷയും ഒരുക്കിയിരുന്നു.
വിവിധ പള്ളികളില്‍ ജുമുഅയ്ക്കു ശേഷം ഇമാമുമാര്‍ സമാധാനത്തിനായി ആഹ്വാനം ചെയ്യുകയും കലാപത്തില്‍ മരണപ്പെട്ടവര്‍ക്കും പരുക്കേറ്റവര്‍ക്കുമായി പ്രാര്‍ഥന നടത്തുകയും ചെയ്തു.