കാസര്‍കോട്: 'സഹനം, സമരം, സമര്‍പ്പണം' എന്നീ പ്രമേയത്തില്‍ എസ്.കെ.എസ്.എസ്.എഫ് ജില്ലയില്‍ വ്യാപകമായി സംഘടിപ്പിക്കുന്ന റമദാന്‍ ക്യാംപയിന്റെ ഭാഗമായി 24 മുതല്‍ 28 വരെ കാസര്‍കോട് പുതിയ ബസ് സ്റ്റാന്റ് പി.ബി ഗ്രൗണ്ടില്‍ സംഘടിപ്പിക്കുന്ന ജില്ലാതല റമദാന്‍ പ്രഭാഷണത്തിന്റെ പന്തല്‍ കാല്‍ നാട്ടല്‍ കര്‍മം സ്വാഗത സംഘം വൈസ്‌ചെയര്‍മാന്‍ ഇസ്ഹാഖ് ഹാജി ചിത്താരി നിര്‍വഹിച്ചു. എസ്.കെ.എസ്.എസ്. എഫ് ജില്ലാ സെക്രട്ടറി ഹാരിസ് ദാരിമി ബെദിര സ്വാഗതം പറഞ്ഞു. എസ്.കെ.എസ്.എസ്.എഫ് സംസ്ഥാന വൈസ് പ്രസിഡന്റ് ഇബ്രാഹിം ഫൈസി ജെഡിയാര്‍, എസ്.പി സലാഹുദ്ധീന്‍ മൊഗ്രാല്‍പുത്തൂര്‍, യു ബഷീര്‍ ഉളിയത്തടുക്ക, ബഷീര്‍ ദാരിമി തളങ്കര, ടി.മുഹമ്മദ് കഞ്ഞി തുരുത്തി, റൗഫ് ഉദുമ, ഹാരിസ് മൗലവി ഗാളിമുഖം, അബ്ദുസലാം മൗലവി ചുടുവളപ്പില്‍ ജൗഹര്‍ ഉദുമ പടിഞ്ഞാര്‍, സുഹൈല്‍ ഫൈസി കമ്പാര്‍, ജംഷീര്‍ കമ്പാര്‍, മഅറൂഫ് ചെങ്കള, ജഅഫര്‍ ബുസ്ത്താനി പട്ട്‌ള, ഉസ്മാന്‍ ഹാജിതുരുത്തി ,സിദ്ധീഖ് കമ്പാര്‍, ആശിഖ് ചിത്താരി, സിദ്ധീഖ് കമ്പാര്‍, അബ്ദുല്‍ ലത്തീഫ് അശ്‌റഫി, ഇര്‍ഷാദ് ഇര്‍ഷാദി അല്‍ ഹുദവി ബെദിര തുടങ്ങിയവര്‍ സംബന്ധിച്ചു.
24 ന് ഉച്ചയ്ക്ക് രണ്ടിനു പ്രമുഖ പണ്ഡിതന്‍ ഉസ്താദ് സിംസാറുല്‍ ഹഖ് ഹുദവിയുടെ പ്രഭാഷണത്തോടെ തുടക്കം കുറിക്കും. 25 നു രാവിലെ ഒന്‍പതിനു ഖലീല്‍ ഹുദവി കല്ലായം, 26 രാവിലെ ഒന്‍പതിനു അഡ്വ. ഓണമ്പള്ളി മുഹമ്മദ് ഫൈസി, 27 നു രാവിലെ ഒന്‍പതിനു കുമ്മനം നിസാമുദ്ധീന്‍ അസ്ഹരി, 28 നു രാവിലെ ഒന്‍പതിനു ബഷീര്‍ ഫൈസി ദേശം മംഗലം തുടങ്ങിയ പ്രമുഖര്‍ പ്രഭാഷണം നടത്തും.
റമദാാന്‍ ക്യാംപയിന്റെ ഭാഗമായി ജില്ലയിലെ തിരഞ്ഞെടുക്കപ്പെട്ട കേന്ദ്രങ്ങളില്‍ ഖുര്‍ആന്‍ ടാലന്റ് ടെസ്റ്റ് നടക്കും. 'ഒരു ദിനം ഒരു തിരു വചനം' എന്ന ഹദീസ് പഠനം സാമൂഹ്യ മാധ്യമങ്ങള്‍ വഴി നടത്തും. റമദാനിലെ പ്രത്യേക ദിനങ്ങളെ കുറിച്ചും ആരാധന, ആചാര രീതികളെ കുറിച്ചും ബോധവല്‍കരണം നടത്തും. ക്ലസ്റ്റര്‍ തലങ്ങളില്‍ തസ്‌കിയത്ത് മീറ്റ്, ശാഖ തലങ്ങളില്‍ ഐ, എഫ് ,സി ക്ലാസുകള്‍, ബദര്‍ ദിനത്തില്‍ മൗലീദ് സദസ്സ്, ഇ അത്തികാഫ് ജല്‍സ, സഹചാരി ഫണ്ട്, മേഖല തലത്തില്‍സാമ്പത്തിക സെമിനാര്‍, ജില്ലാതല സംവേദനങ്ങള്‍ എന്നിങ്ങനെ വിവിധ പരിപാടികളാണ് ജില്ലയില്‍ നടന്നു കൊണ്ടിരിക്കുന്നത്.