ദുബായ്:രണ്ടുപേര്‍ക്കുകൂടെ കൊറോണ സ്ഥിരീകരിച്ചതോടെ യു.എ.ഇയില്‍ കൊറോണ ബാധിതരുടെ എണ്ണം 21ആയി. സുരക്ഷാ നടപടികളുടെ ഭാഗമായി യു.എ.ഇയില്‍ നഴ്‌സറികള്‍ നാളെ മുതല്‍ അടച്ചിടാന്‍ തീരുമാനിച്ചു. സ്റ്റഡി ടൂര്‍ ഉള്‍പ്പെടെ എല്ലാ പരിപാടികളും റദ്ദാക്കാന്‍ യു.എ.ഇ വിദ്യാലയങ്ങള്‍ക്ക് നിര്‍ദേശം നല്‍കി. ബഹ്‌റൈനില്‍ അടുത്ത രണ്ടാഴ്ചക്കാലം ഒത്തുചേരലുകള്‍ ഒഴിവാക്കാന്‍ എല്ലാ കൂട്ടായ്മകള്‍ക്കും നിര്‍ദേശം നല്‍കി. കുവൈത്തിലും സ്ഥിതിഗതികള്‍ നിയന്ത്രണ വിധേധയമാണ്.

അതേ സമയം അന്താരാഷ്ട്ര സൈക്ലിങ് മത്സരമായ യു.എ.ഇ ടൂറിലെ കായികതാരങ്ങള്‍ക്ക് രോഗം ബാധിച്ചതായി പുറത്തുവന്ന വാര്‍ത്ത തെറ്റാണെന്ന് യു.എ.ഇ ആരോഗ്യപ്രതിരോധ മന്ത്രി അബ്ദുല്‍ റഹ്മാന്‍ ബിന്‍ മുഹമ്മദ് അല്‍ ഒവൈസ് അറിയിച്ചു.