പാറശാല: തമിഴ്‌നാട്ടില്‍ നിന്നും കേരളത്തിലെക്ക് കഞ്ചാവ് കടത്തികൊണ്ടു വന്ന യുവാവിനെ അമരവിള എക്‌സൈസ് റെയ്ഞ്ച് സംഘം പിടികൂടി. കാട്ടാക്കട മാറനല്ലൂര്‍ ഊരുട്ടമ്പലം കിളിക്കോണം സ്‌നേഹഭവനില്‍ ചക്കര എന്ന് വിളിക്കുന്ന മിദുന്‍ ലാല്‍ (24) നെയാണ് പിടികൂടിയത്.
തമിഴ്‌നാട്ടില്‍ നിന്നും വാങ്ങിയ കഞ്ചാവ് കേരളത്തിലെക്ക് ബസ് മാര്‍ഗം കടത്തികൊണ്ടു വരുന്നതിനിടെ അതിര്‍ത്തിയിലെ പ്രദേശത്ത് എക്‌സൈസിന്റെ വാഹന പരിശോധന കണ്ട യുവാവ് വാഹനമിറങ്ങികഞ്ചാവുമായി നടന്നു വരുമ്പോള്‍ പിടിയിലാവുകയായിരുന്നു. ഊരൂട്ടമ്പലം പ്രദേശത്തെ സ്‌കൂള്‍ കോളേജുകളില്‍ വിദ്യാര്‍ഥികള്‍ക്കും, അന്യസംസ്ഥാന തൊഴിലാളികള്‍ക്കുമായി ചില്ലറ വില്‍പനക്കായി കൊണ്ടുവന്നതാണെന്ന് യുവാവ് അധികൃതരോട് വ്യക്തമാക്കി.
ഇന്‍സ്പക്ടര്‍ സുരേഷ്‌കുമാറിന്റെ നേതൃത്വത്തില്‍ മഹോഷ്, ജസ്റ്റിന്‍ രാജ്, സാധൂന്‍, ജിജിന്‍, അനിത തുടങ്ങിയ സംഘമാണ് പ്രതിയെ പിടികൂടിയത്.ഇയാളെ ഇന്ന് കോടതിയില്‍ ഹാജരാക്കും.