റിയാദ്: സമസ്ത കേരള ജംഇയ്യത്തുൽ ഉലമയുടെ  പോഷക ഘടകമായ സമസ്ത ഇസ്‌ലാമിക് സെന്റർ സഊദി നാഷണൽ കമ്മിറ്റി നടത്തുന്ന മെമ്പർഷിപ്പ് ക്യാമ്പയിന് റിയാദിൽ തുടക്കമായി. 'അണി ചേരാം ഈ സംഘ ശക്തിയിൽ' എന്ന ശീർഷകത്തിൽ നടക്കുന്ന മെമ്പർഷിപ്പ് ക്യാമ്പയിന്റെ റിയാദ് തല ഉദ്ഘാടനം അബ്ബാസലി ശിഹാബ് തങ്ങൾ മുഹമ്മദ് കോയ തങ്ങൾക്ക് മെമ്പർഷിപ്പ് ഫോം നൽകി ഉദ്ഘാടനം ചെയ്തു.

      സമസ്ത ഇസ്‌ലാമിക് സെന്റർ സഊദി നാഷണൽ കമ്മിറ്റി പ്രസിഡന്റ് ഉബൈദുള്ള തങ്ങൾ അദ്ധ്യക്ഷത വഹിച്ചു. എസ്ഐസി നാഷണൽ കമ്മിറ്റി, റിയാദ് സെൻട്രൽ കമ്മിറ്റി ഭാരവാഹികൾ സംബന്ധിച്ചു. റിയാദ് സെൻട്രൽ കമ്മിറ്റി ജനറൽ സെക്രട്ടറി ഹബീബുള്ള പട്ടാമ്പി സ്വാഗതവും അബ്ദുറഹിമാൻ ഫറോക്ക് നന്ദിയും പറഞ്ഞു.